安多藏文化研究中心
 
通知公告
 
  新闻详细页面
当前位置: 本站首页>>科研成果>>学术论文>>正文
 
安多藏文化论丛 (第二辑)
2015-10-23 16:52 桑吉克主编 

ལེགས་སྒྲིགས་གསལ་བཤད

གཏམ་ཚོགས་འདི་ནིདཔྱོད་ངོར་གོམས་པའི་སྐྱེ་བོ་བློ་གྲོས་ཅན་རྣམས་ཀྱིས་ཨ་མདོའི་རིག་གནས་ལ་ཞིབ་འཇུག་གནང་སྟེཇི་ལྟར་གྲུབ་དོན་རྙེད་པའི་འབྲས་བུ་རིག་གཞུང་དུས་དེབ་སོགས་ལ་བཀོད་ནས་གདེང་འཇོག་ཐོབ་པ་དེ་རིགསངེད་ཅག་ཞིབ་འཇུག་ཁང་གིས་ཕྱོགས་སྒྲིག་བྱས་ཏེ་གཏམ་ཚོགས་སུ་སྤེལ་པ་ཞིག་ཡིན་པསབརྗོད་གཞི་ཨ་མདོའི་རིག་གནས་ལ་འབྲེལ་ཞིང་དཔྱད་འབྲས་སྔོན་ཆད་སྤེལ་པར་གཏོགས་ལདཔྱོད་ཐབས་ཀྱི་རིགས་ལམ་དང་དཔྱད་འཇོག་གི་དགག་སྒྲུབ་སོགས་ནི་ཅི་རིགས་པར་བྱུང་བའི་ཐོག་ཏུདཔྱད་རྩོམ་བཀོད་པའི་རིག་དེབ་ཀྱི་ངོ་བོ་དང་རིམ་པ་སོགས་ཀྱང་གཏན་ནས་མི་འདྲ་བར་ཡོད་པ་སྟེམ་ཡིག་གི་འབྱུང་ཁུངས་རྒྱ་ཆེ་ཁར་དུས་ཁྱད་ཀྱི་བར་བརྒལ་ཡུན་རིང་ཞིང་རིག་ཚན་གྱི་དབྱེ་སྒོ་ཤིན་ཏུ་མང་བའི་ཕྱིར་ནའདིར་དགོས་དབང་གིས་བཀག་རྒྱ་དེ་དག་ལས་བརྒལ་ནས་ཁྱད་ཐོན་ཞིབ་འཇུག་གི་གྲུབ་འབྲས་ཁུ་བསྡུ་བྱས་པ་ཞིག་ཡིན་ཞིང་ཨ་མདོའི་རིག་གནས་ཀྱི་བྱུང་འཕེལ་ལོ་རྒྱུས་དང་རྩ་ལག་གྲུབ་ཚུལསྒྲོམ་གཞི་ཆགས་སྟངས་སོགས་ལ་རྒྱུས་ལོན་བྱེད་པའི་ཡིག་ཆ་གལ་ཆེན་ཞིག་ཏུའང་གྲུབ་ཡོད་པར་མཐོང་

ཨ་མདོ་ཞེས་པ་ནི་ཡུལ་བབ་ནམ་ཟླའི་ཆ་ནས་བཏགས་པའི་ས་ཁམས་ཤེས་བྱའི་ཐ་སྙད་ཅིག་ཡིན་པར་མ་ཟདམངའ་ཁོངས་ཀྱི་ཁྱད་པར་གྱིས་བཏགས་པའི་ལོ་རྒྱུས་ཤེས་བྱའི་ཐ་སྙད་ཅིག་ཀྱང་ཡིན་ལཡུལ་ཆོས་བྱེ་བྲག་པའི་དགོས་དབང་གིས་བཏགས་པའི་ལྟ་གྲུབ་རིག་གནས་ཀྱི་ཐ་སྙད་གལ་ཆེན་ཞིག་ཀྱང་ཡིན་པསཐ་སྙད་འདིས་དམིགས་ཤིང་གཞོལ་ལ་རྗེས་སུ་འཛིན་པའི་རིག་གནས་ནིཡང་དག་པར་བོད་ཀྱི་ཤེས་རིག་གི་གྲུབ་ཆར་གྱུར་པའི་ཨ་མདོའི་རིག་གནས་ཡིནཨ་མདོའི་རིག་གནས་ཀྱི་རྩ་བ་རྟེན་ས་བོད་སྤྱི་བའི་རིག་གནས་ཡིན་ནའང་ཡུལ་བབ་ནམ་ཟླའི་ཁོར་ཡུག་དང་དཔལ་འབྱོར་འཚོ་བའི་གནས་སྟངས་སོགས་ཀྱིས་བྱེ་བྲག་གི་ཁྱད་ཆོས་ཀྱང་ཐོན་ཡོད་པསའདིར་བྱེ་བྲག་གི་ཁྱད་ཆོས་བཟུང་ནས་དཔྱད་རྩོམ་སྤེལ་པ་རྣམས་རིགས་དབྱེ་སྒོས་བསྡུ་སྒྲིག་བྱས་པ་ནིདོན་དངོས་སུ་ཞིབ་འཇུག་པ་རྣམས་ཡུན་རིང་འབད་བརྩོན་བྱས་པའི་གྲུབ་འབྲས་ཡིན་པ་སྨྲ་མ་དགོས་པར་གྲུབཁོང་ཅག་གི་མཛད་རྗེས་ལས་ང་ཚོས་ཨ་མདོའི་རིག་གནས་གླེང་བའི་ཁྱབ་ཁོངས་ནང་འབུར་ཐོན་གྱི་གྲུབ་འབྲས་བླངས་ཡོད་པ་མཐོང་ཐུབ་ལད་དུང་ཧོར་ཁོངས་སུ་ལུས་པའི་སྟོང་ཆ་དང་དཔྱད་ཞིབ་ཀྱིས་མ་འདིང་བའི་སྐྱོན་ཆཡར་རྒྱས་མེད་པའི་བསྐྱར་བཤད་བྱུང་རིགས་སོགས་ཀྱང་རྟོགས་ཐུབ་པར་ཡོད་པསགང་ཞིག་སྔ་མ་བྱུང་ཟིན་གྱི་གྲུབ་འབྲས་རྣམས་ཤེས་རིག་གི་སྒྲོམ་གཞིའི་ནང་ཕྱོགས་སྡོམས་བྱས་པ་དང་ཕྱི་མ་འབྱུང་འཇུག་གི་དམིགས་ཕྱོགས་རྣམས་རིགས་དཔྱོད་ཀྱི་སྐྱོད་རིམ་ནང་གསལ་སྟོན་བྱས་ཡོད་པསཅིས་ཀྱང་ཨ་མདོའི་རིག་གནས་གླེང་བའི་གཏམ་ཚོགས་ལེགས་སྒྲིག་བྱས་པ་འདིསས་གནས་ཨ་མདོའི་བོད་ཀྱི་དམངས་ཁྲོད་ཤེས་བྱ་ཉམས་པ་སོར་ཆུད་དང་མ་ཉམས་པ་རྒྱུན་འཛིནགནས་པ་གོང་འཕེལ་གཏོང་བར་ནུས་པ་འདོན་ཐུབ་པར་ཡོད་པ་ང་ཚོར་ཡིད་ཆེས་ཡོད

སྤྱིར་བོད་ཀྱི་རིག་གནས་དང་མ་འབྲེལ་བར་ཨ་མདོའི་རིག་གནས་གླེང་སྲོལ་མེད་ལཨ་མདོའི་རིག་གནས་ཡལ་བར་དོར་ནས་བོད་ཀྱི་རིག་གནས་ཆ་ཚང་རྟོགས་སྲོལ་དེ་བས་མེད་པསབོད་ཀྱི་ཤེས་རིག་དང་ཨ་མདོའི་རིག་གནས་གཉིས་ནི་རྟེན་བྱུང་འབྲེལ་གྱིས་གླེང་དགོས་པའི་ཆོས་ཅན་ཏུ་གྲུབ་ཡོདདེ་ལྟའི་ཆོས་ཅན་ལ་ཞིབ་འཇུག་གནང་བའི་དཔྱད་རྩོམ་རེ་རེར་ལྟ་གྲུབ་ཀྱི་རིན་ཐང་ཁྱད་པར་བ་རེ་ཡོད་པ་ང་ཚོས་མཐོང་མོདའདིར་སྡེ་ཚན་གྱི་ས་མིག་ནང་རྩོམ་ཡིག་ཇི་སྙེད་ཧྲིལ་གྱིས་བསྒྲིག་མི་ཐུབ་པ་གནད་དོན་ངོ་མར་གྱུར་པསདུས་དེབ་ཀྱི་རིམ་པ་དང་མཛད་པ་བོའི་སྙན་གྲགས་སོགས་ལ་མ་ལྟོས་པར་བརྗོད་བྱའི་ཆ་ནས་སྐབས་བབ་ཀྱི་དགོས་མཁོས་ལེགས་སྒྲིག་བྱས་ཡོད་པའི་ཕྱིར་ནསྔ་ཕྱིའི་གོ་རིམ་སྒྲིག་ཚུལ་སོགས་ཀྱིས་རྩོམ་ཡིག་གི་རིན་ཐང་དང་སྤྱི་ཚོགས་ཀྱི་གདེང་འཇོག་གཏན་ནས་མཚོན་མི་ཐུབ་པར་ཡོདརིན་ཐང་ངོས་མ་ནི་རྩོམ་ཡིག་གི་ལྟ་གྲུབ་འཛིན་སྟངས་དང་དཔྱོད་འཇོག་གནང་ཚུལསྤྱི་ཚོགས་ཀྱི་ཤུགས་རྐྱེན་སོགས་ཀྱིས་རྟོགས་པསགང་ཞིག་དཔྱད་རྩོམ་རྙིང་བས་བློ་སྐྱེད་གསར་བ་ཐོན་པ་དེ་ནི་དོན་ངོ་མའི་རིན་ཐང་ལ་བལྟ་དགོས་པར་འཁུམསདེ་ལྟའི་འཛིན་སྟངས་ཀྱིས་གཏམ་ཚོགས་སྒྲིག་པའི་གོ་རིམ་ནང་ང་ཚོས་བྲེལ་དབང་གིས་རྩོམ་པ་བོ་སྐོར་ཞིག་ལ་འབྲེལ་ལམ་རྩད་ཆོད་ཀྱིས་དཔར་དབང་གི་ཆོག་མཆན་ཞུས་ནས་ཐོབ་ཡོད་ནའང་རྩོམ་པ་བོ་སྐོར་ཞིག་ལ་འབྲེལ་ལམ་རྩད་མ་ཆོད་པས་ད་དུང་དཔར་དབང་གི་ཆོག་མཆན་ཞུ་མ་ཐུབ་པར་ལུས་ཡོད་པསགང་ཞིག་གནང་གྲོལ་གྱི་འབྲེལ་བ་གཟུག་མ་ཐུབ་པའི་རྩོམ་པ་བོ་རྣམས་ལ་འདིར་དགོངས་འགལ་མི་གནང་བར་ཞུཁྱོད་ཀྱི་ཞིབ་འཇུག་ནི་ང་ཚོའི་དམིགས་ཕྱོགས་དང་དགོས་མཁོ་ཡིན་ལཁྱོད་ཀྱི་གྲུབ་འབྲས་ནི་ང་ཚོའི་འཕེལ་རྒྱས་དང་རེ་སྙེག་ཡིན་པསཁྱོད་ཚོས་ཞིབ་འཇུག་གི་ལམ་ནས་དཔྱད་རྩོམ་སོགས་ཀྱིས་རོགས་སྐྱོར་གནང་བ་འདིསང་ཚོའི་ཞིབ་འཇུག་གི་ལས་དོན་ལ་རྒྱབ་སྐྱོར་བླ་ན་མེད་པ་ཐོབ་ཡོང་བས་ཐུགས་རྗེ་ཆེ་ཞུ

འདིར་བསྒྲིགས་པའི་དཔྱད་རྩོམ་རྣམས་ཀྱི་ཐོག་མའི་སྤྱི་ཁོག་གྲུབ་ཚུལ་དང་རྒྱབ་རྟེན་གཉེར་ལུགསལྟ་གྲུབ་འཛིན་སྟངས་སོགས་ལ་ང་ཚོས་བཟོ་བཅོས་གཏན་ནས་མ་བརྒྱབ་པར་སྔ་སོ་བཞིན་བཀོད་ཡོད་མོདརྩོམ་ཡིག་རེ་གཉིས་ཀྱི་ཁ་ཡིག་དང་རྗོད་བྱེད་ཀྱི་ཚིག་སྦྱོར་ལ་དགོས་དབང་གིས་བཅོས་སྒྱུར་ཕྲན་བུ་བརྒྱབ་ནས་སྐབས་བསྟུན་གང་འབྱོར་གྱིས་བཀོད་ཡོད་པསདེ་ལུགས་བོད་རིག་པའི་ཞིབ་འཇུག་ལ་དུང་བ་ཡོད་པའི་རྒྱ་ཆེའི་ཀློག་པ་བོ་རྣམས་དང་ཁྱད་པར་དུ་སྐབས་བབས་ཀྱི་དོ་བདག་རྩོམ་པ་བོ་གང་དེའི་སྙན་ལམ་དུ་གསལ་བཤད་བྱས་པ་ཡིན་ལད་དུང་ཨ་མདོའི་རིག་གནས་གླེང་བའི་དཔྱད་རྩོམ་རིམ་པར་སྤེལ་པ་རྣམསདེང་ཕྱིན་ལོ་དེབ་གཏམ་ཚོགས་ཀྱི་གླེགས་བམ་འདིའི་དེབ་ཕྲེང་ནང་ང་ཚོས་ཁད་ཀྱིས་བསྒྲིག་རྩིས་ཡོད་པསདེ་ལུགས་བོད་ཀྱི་རིག་པ་སྨྲ་བའི་དྲན་དབང་རྣམས་ཀྱི་ཞལ་སྔར་ཕུལ་གསལ་བྱས་པ་ལགས་སོ།།

ཞེས་ཀན་སུའུ་མི་རིགས་དགེ་འོས་སློབ་གྲྭ་ཆེན་མོའི་

ཨ་མདོའི་བོད་ཀྱི་རིག་གནས་ཞིབ་འཇུག་ལྟེ་གནས་ཀྱིས་

༢༠༡༥ལོའི་ཟླ་༤པའི་ཚེས་༦ཉིན་བྲིས་པ་དགེ།

 下一页 [1 2]
上一条:2009-2014年藏语言文学学术论文类
下一条:寺院志·高僧传与文化传承——赛仓·罗桑华丹教授历史著作简介
关闭窗口
 
 
 
 
 学校首页 | 本站首页 | 专题研究 | 研究机构 | 科研成果 | 文献典籍 | 学者风采 | 动态新闻 | 藏文版 

版权所有:甘肃民族师范学院安多藏文化研究中心